EE.UU y Rusia acaben les negociaciones sobre'l pautu de reducción d'armamentu nuclear ensin una decisión

"EE.UU y Rusia acabaron güei les conversaciones sobre un nuevu acuerdu sobre armes nucleares que sustituya al actual Tratáu de Reducción d'Armes Estratéxiques (Start, nes sos sigles n'inglés) de 1991, ensin tomar una decisión sobre la estensión del acuerdu, qu'acaba a últimos del 2009, según una declaración estaounidense.

Tamién participaron nes discusiones en Xinebra representantes de les ex repúbliques soviétiques de Bielorrusia, Kazajstán y Ucraña, onde baxo esti tratáu se retiró l'armamentu de la época soviética, xunto a espertos téunicos.

""Les partes deseen sorrayar que nun yera un requerimientu del tratáu tomar la decisión pa estender el tratáu nesti conceyu"", recza'l comunicáu d'EE.UU emitíu al acabar la última sesión de les conversaciones, que duraron una selmana.

Los represenantes de los cinco países participantes ""van siguir considerando la cuestión y apunten que se pue notar una decisión hasta qu'acabe la vixencia del acuerdu, el 5 d'avientu del 2009, ""añade la nota, que nun anuncia nenguna fecha pa un próximu conceyu"".

START foi'l primer tratáu destináu a amenorgar les armes estratéxiques de les superpotencies. Les sos provisiones establecen que les conversaciones sobre un acuerdu sustitutu tienen qu'entamase polo menos un añu enantes de qu'acabe'l pautu orixinal.

Washington unvió a Moscú una propuesta'l mes pasáu pa dar continuación al tratáu, algamáu tres una décade de negociación en tiempos de la guerra fría. Moscú respondieron a Washigton que diba tar dispuestu a considerar la so propuesta pa una nueva versión del pautu.

Según analistes, ante la salida nos próximos meses del presidente, George Bush, de la Casa Blanca, ye probable que les decisiones importantes recaigan sobre'l so sucesor, Barack Obama.

Les conversaciones de Xinebra deberíen ayudar a l'Alministración salienta entregar a la nueva Alministración Obama una descripción detallada del estáu de les negociaciones, consideraron.

Obama manifestó la so intención de buscar reducciones reales y confirmables de los arsenales nucleares d'EE.UU y Rusia y d'ampliar les provisionales de monitorización y confirmación del Start. EE.UU y Rusia anunciaron nel 2001 que cumpliere'l requerimientu del pautu de desplegar un máximu de 6.000 cabeces nucleares caún."