Xurde Fernandez presenta "La espera" en Mieres

"L'escritor candsín Xurde Fernández presenta esti vienres 21 la so primer novela escrita en solitario ""La Espera"" (Suburbia ediciones) dempués de dase a conocer apocayá col llibru ""El color del escaezu"" escritu a comuña con Marián Rodríguez. L'actu va tener llugar esti vienres 21 a les 19 hores na casa de cultura de Mieres, contandose coles intervenciones de los escritores Xandru Fernández y Pablo TExón Castañón.

Xurde Fernández naciera en Candás (Carreño) en 1975. Collaborador de la Academia de la Llingua asturiana, cola qu'asoleyó un estudiu de la toponimia de Candás, tien fechos estudios etnográficos sobre la fala y les tradiciones del Cabu Peñes. Como escritor, amás de cuentos y rellatos espardíos per delles revistes y la novela yá mentada, nel añu 2008 llogró’l Premiu Llorienzu Novo Mier de creación lliteraria qu'otorga l'ALLA cola obra ""Díes d’iviernu""."