Melandru presenta'l so discu debú en direuto

Entama dos conciertos con Un Bosque Noruego, n'Uviéu y en Villaviciosa.

Melandru, banda de rock esperimental en llingua asturiana con influencia especial del post-rock, va ufrir al públicu per primer vegada los temes del so primer discu, homónimu. Ésti ta compuestu por cinco cantares, que lleven el nome de 'Dios tecnolóxicu' –cenciellu de presentación–, 'Porcaz', 'Sariegu muertu', 'Ta llueu' y 'Eso ye un llondru'.

Pa esta curtia xira de presentación, los maliayos van tar acompañaos de la banda d'electrónica Un Bosque Noruego, que tamién presenta discu, 'Let be there the drone with you'. La primer cita va ser mañana a les 21.30 hores na sala uvieína La Salvaje, con entrada a 3 euros, mentes que'l sábadu va ser especial pa Melandru al tocar a les 20 hores en casa, nel Teatru Riera.