Esther García presenta en Piedrasblancas la so obra ‘Leo’

Leo, nietu de María Esther García López, ye’l protagonista de ‘Leo’, la creación nueva de l’autora de Valdés. Yin Lai Trinidad ye la encargada de les ilustraciones d’esti llibru infantil billingüe que se presenta nel Valey Centru Cultural de Castrillón.

La diseñadora dominicana da un toque de color a esta historia escrita por García López pal disfrute del so nietu y de toles neñes y neños asturianes. ‘Leo’ ta editáu billingüe, polo que pue lleer tanto n’asturianu como en castellanu.

Tres dalu a conocer el mes pasáu n’Avilés, l’autora va presentar el llibru esta tarde a les 19 hores na sala polivalente del Valey. L’actu va tar presidíu por Yasmina Triguero, alcaldesa de Castrillón, y presentáu por Constantino Menéndez González.