El Café Trisquel celebra'l so 35 aniversariu con un conciertu de Dobra

La banda liderada por Xuacu Amieva actúa nesti clásicu chigre xixonés.

El Café Trisquel, un referente de la música y del folk asturianu, celebra 35 años de vida. Pa celebrar esti aniversariu entamáse una folixa esta tarde que va tener como convidáu especial al grupu Dobra.

Pendiente de la edición del so primer discu, esta formación ta compuesta por Xuacu Amieva (gaita, flauta, bandurria asturiana, trompa, zanfona y voz), Laura Fonseca (violín, bandurria asturiana y voz), José Martínez (guitarra y voz) y Paula Amieva (percusiones). L'actuación va comenzar a les 20.30 hores y la folixa va allargase hasta bien entrada la nueche.