Areces anuncia que'l Principáu tramita l'abertura d'un centru d'enseñu de chinu n'Asturies

"El presidente del Principáu d'Asturies, Vicente Álvarez Areces, anunció güei que'l Gobiernu autonómicu ta tramitando la solicitú p'abrir una sede del Institutu Confucio n'Asturies y pidió a la embaxada China n'España poder contar cola collaboración de la Provincia Popular de Zhejiang.

""Dimos los primeros pasos pa l'abertura n'Asturies d'una delegación del Institutu Confucio d'idioma y cultura china, solicitando de la Embaxada China, que la pronvincia de Zhejiang, collabore con nós nesti proyeutu cultural"", esplicó Areces.

Asina lo indicó tres la firma del acuerdu d'hermanamientu ente Asturies y Zhejiang, que soscribió col secretariu xeneral del Partíu Comunista d'esta provincia china. Zhao Hongzhu, demientres un actu celebráu nel Palaciu de Conde Toreno, n'Uviéu. L'Institutu Confucio, que cuenta con delles sedes n'España, tien como oxetivu meyorar la difusión de la cultura china y la so llingua per tol mundu.

Nesti sen, Zhao Hongzhu, resaltó que ""l'Insitutu Confucio de China va tener un puntu n'Asturies"", y valoró la collaboración existente ente la provincia china de Zhejiang y el Principáu dende hai ños y qu'espera continúe nel futuru.

Tamién agradeció la hospitalidá con que ta siendo recibida nel Principáu la delegación institucional de Zhejiang, qu'él encabeza que llegó ayeri de nueche a Asturies y tien organizaes visites a delles empreses instalaes na comunidá asina como a les principales ciudaes, Uviéu, Xixón y Avilés, hasta'l so viaxe de regresu previstu pa mañana.

Demientres la so intervención, Areces destacó que'l covneniu d'hermanamientu va tener una duración de cinco años y va centrar la so cooperación n'ámbitos como'l comerciu, el turismo y la riqueza cultural de dambes rexones, pa lo qu'altos cargos y departamentos gubernamentales de les dos rexones van caltener comunicaciones regulares p'afondar na cooperación y intercambiu nestos campos.

De la mesma manera, Zhao Hongzhu, indicó que l'acuerdu ye resultáu del trabayu de los últimos años ente España y China, asina como de les rellaciones billaterales ente dambes rexones, al tiempu que lu calificó de ""puente constructivu pal futuru"".

Destacó que los neños asturianos son ""multiculturales"" y una muestra de la ""visión abierta"" del Principáu. De la mesma manera, calificó a Uviéu de ciudá ""histórica culturalmente"" pero tamién ""fresca y dinámica"". Nesti sen, añadió qu'espera que la cultura y dinámica china puean aportar nueves perspectives a la comunidá.

Esplicó que la provincia de Zhejian tien 47 millones d'habitantes, siendo la cuarta más poblada de China, y rexistrando un importante crecimientu económicu. Sicasí, reseñó que tovía-y queda muncho camín p'algamar el desarrollu algamáu nel Principáu, polo que considera que ""tien muncho que deprender n'ámbitos como la industria y el turismu rural"", ente otros.

Sobre la creación d'empreses asturianes en China apuntó que les sos bases ""son competitives"" polo qu'espera que permitan a les compañíes del Principáu algamar bonos resultaos. De la mesma manera, apostó por estrechar la collaboración n'aspeutos como'l comercial y económicu, asina como na cultural y la educación.

Nesti sen, Areces remarcó los llogros algamaos hasta la fecha, como l'acuerdu de cooperación ente los puertos d'El Musel y el de Ningbo en materia de xestión y la ufierta lloxística. Tamién se realiza'l plan de promoción de productos agroalimentarios en China, promovíu pol Gobiernu d'España.

Amás, señaló qu'Asturies, al traviés del Idepa, promueve y financia'l Master n'Idioma, Cultura y Negociación China, qu'imparte la Fundación Escuela de Negocios d'Asturies, y foi diseñáu de manera conxunta nel 2006. Un total de 49 estudiantes universitarios participaron nes tres primeres promociones d'esti Master y otros diez tán cursando la cuarta promoción."