Javier Fernández garantiza que "va haber un nuevu Gobiernu col so presupuestu" pese a les "maniobres d'estorsión" del PP

"El secretariu xeneral de la FSA-PSOE, Javier Fernández, afirmó güei que ""va haber un nuevu gobiernu de coalición y el mesmu va tener nel plazu previstu'l so presupuestu"", polo que mostró'l so deséu de que nun haya ""maniobres d'estorsión"" pa torgar dalgo positivo p'Asturies, como ye'l casu de tener presupuestos.

Fernández volvió poner en duda la seriedá del PP y calcó en que ""nun son un grupu políticu seriu"", porque ya nel so día'l PP, dempués de selmanes de trabayu sobre la ponencia estatutaria, rellacionó esti trabayu col pautu con IX, ""con una fórmula mui artificosa pa tratar d'estorsionar l'acuerdu de Gobiernu"".

Tamién el cabezaleru d'UXT, Justo Rodríguez Braga, destacó la necesidá de que'l parlamentu apruebe los Presupuestos. Nesti sen, recordó qu'UXT vino detacando dende hai tiempu la necesidá d'un Gobiernu de mayoría d'izquierdes, porque ""esta comunidá nun ta pa prollongaciones presupuestaries"".

""Si agora nesti contestu la oposición, por razones qu'ellos crean, tenten d'allargar esi problema pa que nun haya presupuestos la sociedá asturiano va face-ylo pagar"", dixo Braga.

OBSEVATORIU DE LA CRISIS

Javier Fernández manifestábase asina demientres la rueda prensa celebrada tres el conceyu de trabayu ente los miembros del Observatoriu de la Crisis de la FSA-PSOE y UXT. Tamién intervinieron la secretaria d'economía de la FSA, María Luisa Carcedo y el secretariu d'UXT, Justo Rodríguez Braga.

La FSA presentó güei al sindicatu l'Observatoriu creáu pa siguir l'afeición de la crisis n'Asturies. Según Carcedo, lo que se pretende ye tener información puntual del impautu de la crisis y la opinión de los axentes sociales.

Rodríguez Braga afirmó que'l sindicatu comparte'l modelu productivu qu'apuesta pola industria y la enerxía como motor económicu de la rexón.

Braga pidió a los socialistes que seyan ""cuidadosos"" coles actuaciones de los empresarios. Nesti sen, destacó la necesidá de controlar los Espedientes de Regulación d'Emplegu, que presenten les empreses y destacó que nestos momentos la patronal tien d'apostar por caltener l'emplegu, anque esto suponga amenorgar beneficios o hasta cayer en perdes."