El Sacavera Sound múdase a Bimenes

Tres nacer en La Pola Siero, esti festival qu'axunta poesía, arte, folixa y psicodelia pasa a celebrase esti añu nel conceyu vecín.

Les Escueles de Rozaes van ser sede de toles actividaes del Sacavera Sound, que va principiar el vienres a les 20 hores cola primer verbena poétika con pinchada musical como pieslle. El sábadu, a les 19 hores, va tener llugar el gran pasacaleyes, con salida nel entamu de la Ruta de los Molinos, pa siguir a les 22 hores cola segunda verbena poétika.

La cuarta edición del certame va siguir el domingu a les 13.30 hores con teatru asturianu, pa depués dar pasu al conciertu d'Ún de Grao y un aftersacavera. La organización pon a disposición del públicu asistente un prau pa poder acampar mientres toles xornaes del eventu.