La Xunta Moza convoca un nuevu paru nel Campus del Milán pa pidir el títulu de grau d'Asturianu

"La Xunta Moza anunció la convocatoria pal próximu llunes d'un nuevu paru nel Campus del Milán pa pidir el títulu de grau de Filoloxía Asturiana na próxima reforma de les enseñances universitaries.

Según informó nun comunicáu al que tuvo accesu Europa Press, La Xunta Moza va dar primero una charra informativa que va facese a les 10.00 hores nel salón d'actos de Filosofía. Dempués, a les 12.00 hores, va celebrase un paru de 15 minutos y una concentración en defensa d'un títulu de grau de llingua asturiana, delantre del aulariu de Filoloxía.

Les actividaes enmárquense dientro la campaña de denuncia y sensibilización que ta faciendo Xunta Moza pa desixir un tratu dignu y igualitariu pal asturianu na institución académica y que se van facer nel Campus de Milán."