La Xunta pola Defensa de la Llingua califica de "continuista" l'alcuerdu de gobiernu en materia llingüística

"La Xunta pola Defensa de la Llingua Asturiana calificó güei nuna nota de prensa a l’alcuerdu de gobiernu ente PSOE y IU-BA-Verdes como ""continuador de la política de marxinación llingüística del PSOE que pretende esterminar l’asturianu a mediu plazu"".

Según la valoación de la Xunta ""nel testu del alcuerdu abonden les declaraciones d’intenciones xenerales y escasien o nun esisten les concreciones sobre les midíes, actuaciones, aplicaciones y plazos que tendríen que guiar la política llingüística del nuevu gobiernu"" y la organización recuerda que ""énte l’alcuerdu ente estes mesmes fuercies polítiques en 2003 la Xunta amosó una postura enforma crítica, esti nuevu pautu confirma les impresiones que tuviéramos daquella: ye imposible afitar un procesu de normalización ensin una voluntá y compromisos concretos, que nun existen tampoco anguaño"".

Nel comunicáu valórase ""de forma especialmente negativa la falta de referencies a la necesidá de normalización de la llingua y les referencies al desarrollu de la Llei d’Usu que ye d'obligáu cumplimientu"".

La Xunta acaba faciendo un llamáu al consensu na llucha pola oficialidá y contra ""les práctiques polítiques que xeneren prohibiciones, coacciones y ataques contra l’usu de la llingua asturiana, como les qu’anuncia con esti alcuerdu esti gobiernu que ye nuevu nos sos componentes pero que nun apurre nenguna novedá na nefasta política llingüística actual""."