La obra 'Homo Sapiens: la epopeya d'un llinaxe' gana'l premiu d'ensayu n'asturianu 'Máximo Fuertes Acevedo'

"El biólogu y investigador uvieín Xosé María Fernández resultó ganador de la XIV edición del Premiu d'Ensayu en Llingua Asturiana 'Máximo Fuertes Acavedo', que concede la Conseyería de Cultura y Turismu del Principáu, por un trabayu tituláu 'Homo Sapiens: la epopeya d'un llinaxe'. El xuráu que concedió esti galardón taba predidíu pola directora xeneral de Promoción Cultural y Política Llingüística, Consuelo Vega Díaz. Otros cinco trabayos optaben a esti premiu dotáu con 7.000 euros.

El xuráu destacó la madurez y calidá de los testos presentaos y decidió conceder por unanimidá el galardón a la obra de Xosé María Fernández --presentáu col seudónomiu 'Owen Milton'-- resaltando que se premia un ""escelente y mui actualizáu resume de noticies sobre l'estáu actual de los trabayos rellacionaos cola arqueoloxía"" y valorando mui especialmente ""los elementos de reflexón que propicia un testu de gran calidá argumental, estructural y llingüística que se mueve nun panorama planetariau ensin perder poro la perspectiva d'Asturies"".

Xosé María Fernández nació n'Uviéu en 1968, lleva años investigando n'Inglaterra y nesti momentu trabaya nel Institutu Européu de Bioinformática (Cambridge). Ye un autor de delles publicaciones científiques n'inglés y n'asturianu, como'l llibru d'espardimientu 'Bioloxía: una historia de futuru'."