Seronda musical n'Avilés

"Yá ye una tradición n'Avilés que col primer fríu de la seronda, el golor de les castañes y la sidra del duernu la música y la cultura asturiana tenga'l so sitiu na villa del adelantáu. Asina por sestu añu consecutivu vuelve a entamase ""Seronda n'Avilés"", que axunta un bon garrapiellu d'actividaes cola cultura tradicional asturiana como exe.

El programa d'anguaño vulve a tener un envís divulgativu, con esposiciones, charres, anque tamién, y sobre too esti fin de selmana, hai espaciu p'actividaes más lúdiques como beber, comer, o echar unos bailles. Asina rescampla una esposición sobre instrumentos asturianos y los conciertos de los grupos Verdasca y Tuenda, que ta acabante d'espublizar el so cd nuevu. La ""Seronda n'Avilés"" entámala el grupu d'investigación etnográficu ""Escontra'l Raigañu"", cola collaboración de varies entidaes. Pa consultar en detalle'l programa de la seronda namás qu'hai que calcar equí "