Entréguense los premios del Concursu de Cuentos pa Escolinos del Principáu

"El Conceyu de Piloña entrega esti vienres a partir de les siete la tarde na Casa la Cultura Marqués de Vistalegre de L'Infiestu los premios del Concursu de Cuentos pa Escolinos del Principáu. Los ganadores d'esta edición fueron Miguel Llerandi con “El corzu copín”, Juncal Guerrero con “La castañina aventurera” y Greta García Morán con “El diañu traviesu”.

Esi concursu entámase por mor de les Xornaes de Lliteratura Infantil en Llingua Asturiana organizaes pol Conceyu de Piloña col sofitu d'Asturtoons y la Conseyería de Cultura y nelles hai una riestra d’actividaes como talleres, cuentacuentos, proyeición d'audiovisuales, esposiciones y actividaes de creación lliteraria."