L'Axencia Estatal de Meteoroloxía abre una delegación n'Asturies

"L'Axencia Estatal de Meteoroloxía abrió una delegación n'Asturies con sede n'Uviéu. Como delegáu foi nomáu Íñigo Javier Caballero López, qu'acaba tomar posesión, según confirmó la Delegación de Gobiernu.

La delegación de l'Axencia Estatal de Meteoroloxía tien asitiada la so sede na Avenida Cristo de les Cadenes. La puesta en funcionamientu d'un centru d'estes característiques n'Asturies yera una reivindicación de dalgunos sectores, especialmente'l turísticu, col fin de que se meyoraren les predicciones meteorolóxiques.

Hasta'l momentu, Asturies dependía del centru de Cantabria, dende onde se realizaben los pronósticos del tiempu pa la cornisa cantábrica. El sector turísticu consideraba que la falta de precisión nes predicciones del tiempu aventaba en puentes y feches de vacaciones a los turistes ante les predicciones de lluvia y mal tiempu."