Torre afirma que los recortes de producción n'Arcelor nun signifiquen "nin el pieslle nin la desapaición" de la empresa

"El conseyeru d'Industria y Emplegu, Graciano Torre, manifestó güei que los recortes de producción n'Arcelor ""nun signifiquen nin el pieslle nin la desapaición de la empresa"". ""La factoría necesita dotase de midíes que puean superar la crisis económica"", añadió'l conseyeru.

Torre realizó estes manifestaciones tres asistir a la Presentación del Plan de Comerciu Rural na sala de prensa de la Conseyería d'Economía y Asuntos Europeos.

El responsable rexonal alvirtió de que munchos sectores, sobre tol de la construcción ""van dir xenerando desemplegu"", debío a les dificultaes económiques. ""Esti baxón va contribuyir a que les cifres del paru tean altes y nel casu de que se recupere emplegu nun van llegar a les cifres anteriores"", apuntó.

El conseyeru confió en que ""poco a poco"" va dir estabilizándose la situación cuando s'aceleren subastes públiques y s'algamen los acuerdos coles entidaes pa poder abrir les hipoteques.

El responsable d'Industria y Empelgu fizo referencia tamién a les dificultaes qu'atraviesen les empreses Arcelor y Saint Gobain. ""Existe un pieslle del sector financieru a los creitos a la inversión y los creitos al consumu y significa qu'aquelles empreses lligaes al consumu y al sector de la construcción van tener dificultaes en tanto en cuanto nun se corrixa esta tendencia"", añadió.

Poro, Torre destacó que'l Principáu ta llevando una promoción directa del emplegu al traviés de diferentes planes y señaló que'l Gobiernu rexonal va trabayar con ""mayor intensidá"" con tolos paraos reforzando'l serviciu públicu d'emplegu pa ufiertar a toles persones que s'incorporen al Institutu Nacional d'Empelgu una orientación personalizada y tratar d'orientalos a la recolocación nos espacios onde hai una demanda.

PAUTU DEL GOBIERNU

No que cinca a les exixencies de la coalición IX-BA-Verdes van intervenir na política d'emplegu del Gobiernu rexonal, Torre recordó que ye miembru del PSOE dende hai munchos años y miembru de la executiva rexonal del partíu socialista. ""Toi seguru de que'l pautu que se puea algamar per parte de la Federación Socialista Asturiana (FSA) va ser el meyor y yo voi aplaudir los sos resultaos"", acabó."