FSA y IX-BA-Verdes lleguen a un acuerdu de Gobiernu pol que la coalición va xestionar Bienestar Social y Mediu Rural

"La Federación Socialista Asturiana, FSA-PSOE y IX-BA-Verdes llegaron güei a un acuerdu pa formar un gobiernu de coalición, tal como yá ficieron demientres la llexislatura pasada, según avanzaron esta tarde dambes formaciones en rueda prensa. Según el pautu, la coalición va xestionar l'área de Bienestar Social y Vivienda y la de Mediu Rural, amás de la estaya de Cooperación, de la que nel pasáu mandatu s'encargó Rafael Palacios

Asina lo espunxeron güei na rueda prensa'l presidente del Principáu, Vicente Álvarez Areces, el secretariu xeneral de la Federación Socialista Asturiana (FSA-PSOE), Javier Fernández, el coordinador xeneral de la coalición, Jesús Iglesias.

Na declaración pública, esplicóse que PSOE y IX-BA-Verdes nun van compartir conseyeríes anque ta pendiente la reestructuración de gobiernu. Lo que sí dexaron claro dambes formaciones ye que nun se va crear nenguna conseyería más nin tampoco direiciones xenerales. L'oxetivu ye qu'a la vuelta del viaxe qu'Areces va facer a últimos de la próxima selmana a los Emiratos Árabes se celebre'l primer conceyu del nuevu Conseyu de Gobiernu. Areces va regresar del viaxe institucional el 13 de payares.

L'acuerdu inclúi l'apoyu d'IX a los presupuestos autonómicos pal 2009 que prevén un incrementu del 7,6 por cientu."