La Xunta pola Defensa de la Llingua entama una campaña de reconocencia a escueles con altu porcentaxe de matrícules d'Asturianu

"La Xunta pola Defensa de la Llingua Asturiana (XDLLA) entama mañana n'Uviéu una ""campaña de sensibilización col enseñu de l'asignatura d'asturianu en primaria y secundaria"" faciendo una serie de visites a escueles públiques y concertaes ""onde se tean faciendo especialmente bien les campañes de matriculación y onde un porcentaxe mui altu d'alumnos y alumnes formen los grupos d'escolarización"".

La primer d'estes visites va ser na escuela de La Corredoria, mañana a les 10.30 hores, onde dos miembros del colectivu van entrevistas col director, Francisco Torres. Trátase, según la Xunta, d'una escuela con ""un 88% d'escolinos y escolines de primaria qu'asisten a les clases de llingua asturiana con normalidá"".

""Esti fechu quier resaltalu la Xunta dientro de la campaña de denuncies que vien faciendo añu tres añu al empezar el cursu académicu, cola novedá d'apurrir, nesti cursu, exemplos d'escueles onde les coses se tean faciendo acordies cola llegalidá"", afirmó la organización nuna nota prensa."