Los mozos d'Asturies son más adelantaos, más activos y más precavíos sexualmente que los del restu del Estáu

"Los mozos asturianos son los más adelantaos y más activos sexualmente d'España y de la mesma manera son los más precavíos nes sos rellaciones nes que predomina la 'monogamia sucesiva', según les conclusiones del informe 'Mocedá n'Asturies 2008', que foi presentáu güei en rueda prensa pola Conseyera de Cultura y Turismu, Encarna Rodríguez Cañas y el director del Institutu Asturianu de la Mocedá, Guillermo Martínez.

Per otra parte, los mozos asturianos cuenten con sueldos más altos a los de la media nacional y Asturies presenta la mayor diferencia de sueldos ente varones y muyeres con un 31%, mientres que nel restu d'España ye d'un 23%.

El sociólogu, investigador y presidente de la Fundación Atenea y autor del informe, Domingo Comas Arnau afirmó qu'existe datos mui paradóxicos nel comportamientu de los mozos asturianos. Según l'informe, n'Asturies emancípense más xóvenes ensin pareya pero ye más frecuente nel casu de los asturianos tener una pareya forma pa facelo que nel restu d'España.

Pa Domingo Comas, ye ""sorprendente"" el fechu de que nuna sociedá moderna como l'actual, los mozos asturianos, especialmente los varones, reciban importantes ayudes económiques de les sos families, y destacó l'ampliu usu per parte de la mocedá asturiano de los medios de comunicación y les Teunoloxíes de la Información y la Comunicación (TIC), como métodu de formación y deprendimientu.

Otros datos qu'apaecen nel informe 'Mocedá n'Asturies 2008' refiérense a que les moces asturianes salen al mercáu llaboral enantes que los mozos, que nun tienen problema en prollongar el tiempu dedicáu a los sos estudios. Per otra parte, la mayoría de los tresllaos por motivos llabores que se realicen en pareya faénse en mayor midida pol trabayu del varón enantes que'l de la muyer.

La conseyera de Cultura y Turismu aprovechó pa resaltar el llabor d'investigación de Domingo Comas Arnau, y señaló la prioridá de les polítiques de mocedá, dándo impulsu a un plan que va desarrollase en base a dellos principios. Un plan qu'en pallabres de la conseyera va ser ""participativu, estratéxicu, interinstitucional, evaluable y realista, amás d'innovador y tresversal"".

El motivu de la realización d'esti informe ye conocer la realidá socioeconómica de los mozos asturianos, entendiendo como mozos a les persones comprendíes ente los 15 y los 29 años, y realizando la muestra representantiva nos conceyos d'Uviéu, Xixón y Avilés. Esti estudiu, según matizó Encarnación Rodríguez Cañas, va permitir a Asturies ""comparar con otres comunidaes autónomes y ver el marcu nel que s'alcuentra'l Principáu"", en base a la ""realidá socioeconómica de la mocedá asturiano"", dientro d'un contestu nacional.

DEMANDES

L'informe recueye tamién les principales demandes de los mozos asturianos ente les que tán meyores nel urbanismu, la seguridá y el tresporte, demandes nes inversiones y el control públicu d'equipamientos, actividaes y programes d'ociu y tiempu llibre, demandes pa facilitar la movilidá y l'intercambiu residencial, demandes nel ámbitu de xenerar un emplegu de calidá y demandes pa facilitar l'accesu a la vivienda.

Según pallabres de Domingo Comas Arnau, les demandes varíen según el territoriu y a pesar de que los xóvenes rurales nun pudieron tenese en cuenta na muestra puesto que nun son representativos, les sos demandes diben tar más cercanes a les rellaciones col tresporte y l'ociu, mientres que pa los mozos asturianos más urbanos les demandes diben tener más presencia nos ámbitos llaboral y d'accesu a la vivienda."