Fapas inaugura en Santu Adrianu'l viveru de frutos pa osos

"El Fondu pa la Proteición de la Naturaleza (Fapas) inaugura mañana en Santu Afrianu'l viveru de frutos pa osos en collaboración cola Obra Social Caxa Madrid. Anque'l proyeutu 'Frutos pal Osu', cuenta con una llarga trayeutoria dende la so puesta en marcha pol Fapas hai yá 16 años, de magar agora va contar con un Viveru Forestal na población de Tuñón que va meyorar la capacidá operativa de los trabayos de plantación de frutales que l'asociación conservacionista viven desarrollando n'Asturies con oxetivu de ampliar los recursos alimencitios del osu pardu.

El nuevu viveru cuenta con una nave de 300 metros cuadraos pa guardar los materiales y maquinaria usaos nos trabayos de plantación, un ivernaderu y seis hectárees de terrenu con capacidá p'acoyer hasta 15.000 plantones de frutales.

Esti viveru tornó asina nuna ferramienta clave pal crecimientu de los pequeños plantones de cerezu y castañu que dempués van ser plantaos n'antigües finques de cultivu agora en desusu, asitiaes en territorios oseros.

Amás, el Fapas, según informó al traviés d'una nota prensa, va ufiertar a los centros formativos qu'imparten cursos rellacionaos con trabayos forestales y de conservación de los recursos naturales, la posibilidá de que los sos alumnos desarrollen práutiques rellacionaes col proyeutu 'Frutos pal Osu'. Asina'l Viveru de Fapas espera tornar nuna Escuela de Práutiques Forestales y Conservación de la Biodiversidá que dea la oportunidá a estudiantes de Toa España de realizar práutiques ofrestales lligaes directamente a la conservación d'una especie en peligru d'estinción como ye l'osu pardu cantábricu.

Esta iniciativa foi posible gracies al apoyu de la Obra Social Caxa Madrid que va collaborar n'otres actuaciones rellacionaes col proyeutu 'Frutos pal Osu', como son la edición d'un Manual de Reforestación y Conservación de la Biodiversidá y la Campaña de Promoción Forestal mediante repartu de cerezos que'l Fapas realiza añalmente n'Uviéu y Xixón.

Na inauguración de les instalaciones del viveru va contase cola asistencia de responsales del Gobiernu asturianu y representantes de los ayuntamientos de la zona."