Recupérense los grupos informales de conversación n'asturianu

Van celebrase los martes nel Conseyu de Mocedá de Xixón de 19 a 20.30 hores.

Baxo'l nome de '¡Vamos falar!', esta actividá ta desendolcada por Iniciativa pol Asturianu, y permite a los asistentes soltase nel emplegu de la llingua asturiana. La participación nos grupos ye baldre, abiertu a persones de cualesquier edá, y nun ye necesario inscribise de forma previa.

El coleutivu anima a sumase a esti grupu "y a perder el mieu usar l'asturianu en tolos ámbitos", yá que "una bona forma de faelo ye entamar nesti tipu d'ambientes desenfadaos onde los nuevos falantes van poder poner en práctica l'usu oral del idioma". D'esta forma, l'asturianu torna a tar presente nos grupos de conversación informal que'l Conseyu de Mocedá de Xixón (Manuel Llaneza, 68) entama en delles llingües.