Los Guilandeiros de Tinéu van percorrer Brañaḷḷonga y Cezures

La mazcarada d’iviernu va llevar la folixa tamién a Salas, con un pasucais en La Espina.

Esti sábadu van salir a la cai los Guilandeiros de Tinéu. Los personaxes que componen esta mazcarada van comenzar a pidir l’aguilandu a les 10 hores dende la parroquia de Brañaḷḷonga, con convocatoria na plaza l’Ilesia de Valsiréu.

D’ehí van salir hasta Faeo, na parroquia de Cezures, pa pasar la tarde nel conceyu vecín de Salas. La Espina va acoyer un pasucais de los Guilandeiros dende les 18 hores, pa finar la folixa na sidrería La Dorada.