Bimenes recurre l'anulación de la ordenanza d'asturianu

El pasáu 26 de xineru aportó al Conceyu'l requerimientu del TSXA.

El Plenu de Bimenes, celebráu ayeri, aprobó per unanimidá recurrir l'anulación de la ordenanza d'asturianu, aprobada'l pasáu 1 de xunetu nun Plenu estraordinariu celebráu con motivu de la Fiesta de la Oficialidá. Los argumentos espuestos son los mesmos que los utilizaos p'anular la de Noreña.

El Conceyu asesoróse al traviés del xurista Nicolás Bartolomé, decidiendo dar esti pasu tres el requerimientu d'Abogacía del Estáu al traviés del Tribunal Superior de Xusticia d'Asturies (TSXA). D'esta forma, Bimenes sigue defiendo'l derechu de les sos vecines y vecinos a emplegar cola alministración municipal la so llingua materna.