CC.OO cuestiona la "credibilidá de los datos" del paru y UXT diz que la crisis va intensificase n'Asturies

"El sindicatu CC.OO cuestionó güei la ""credibilidá"" de los datos de la Encuesta de Población Activa (EPA) y alertó del incrementu de 3.400 paraos sobre'l mesmu trimestre del 2008. Pela so parte, UXT considera que les cifres confirmen que'l mercáu llaboral ""ta teniendo mayor fortaleza dende l'entamu de la crisis, pero que tamién se mostraron convencíos de qu'ésta va acabar ""afeutando con mayor intensidá nos próximos meses"".

Pa Comisiones Obreres, ""llama especialmente l'atención la cifra de 37.700 paraos que contrasta colos 49.954 paraos que taben rexistraos nes oficines del Serviciu Públicu d'Emplegu Asturianu en setiembre"", esplicó'l secretariu d'Emplegu de la central, Miguel Ángel Ballina.

""Si facemos casu de los datos que mos ofrez la EPA, la economía asturiana foi quién a crear 21.300 emplegaos nel últimau añu --8.000 más que nel trimestre anterior--, nunos momentos de fuerte crisis económica nel conxuntu del país"", añadió Miguel Iglesias Ballina.

El sindicatu destacó, per otra parte, la ""significativa meyora de la establidá nel emplegu (en contradcción colos datos mensuales de contratación que mos ofrez el Serviciu Públicu d'Emplegu), asitiando la tasa de temporalidá nel 27,5%, casi dos puntos menos que l'añu anterior y un puntu perbaxo del trimestre pasáu"".

Pa Miguel Iglesias Ballina ""el datu más negativu ye l'incrementu de la población desemplegada en 3.400 persones sobre'l mesmu trimestre del 2007, anque se reduz en 1.000 persones si la comparanza ye col pasáu trimestre"".

Otru datu preocupante pa CC.OO ye la reducción de la población n'edá de trabayar, lo que confirma'l ""grave problema demográficu"" de la rexón, cola población más avieyada del país. ""Un datu que contrasta, sin embargu, col incrementu de la población activa en casi 25.000 persones nel últimu añu"", añadió'l dirixente sindical.

DIÁLOGU SOCIAL D'UXT

Nun comunicáu, UXT insistió na importancia de que nel actual escenariu económicu tien el Diálogu Social y la necesidá d'avanzar na aplicación de les midíes acordaes nel plan social Aceba, ""acelerando y adelantando'l so ritmu d'execución"".

""Ante l'actual ciclu de crisis nun caben recortes en derechos llaborales y sociales de los trabayadores"", caltuvo'l sindicatu, qu'añadió nel comunicáu que ""caltener la capacidá económica de los salarios, de les pensiones y de los niveles de proteición social son agora más que nunca necesarios pa protexer a los colectivos más afeutaos"".

Poro UXT apostó por ""adelantar inversiones n'infraestructures y fortalecer la proteición social"". Reiteró, de la mesma manera, el llamáu al Gobiernu rexonal y a les fuerces polítiques representaes nel Parlamentu sobre la necesidá de contar con un nuevu Presupuestu Rexonal pal 2009 ""espansivu y orientáu"" a la creación d'emplegu."