El Conseyeru d'Educación caltién que la violencia "nun ta nes aules, sinón na sociedá"

"El Conseyeru d'Educación del Principáu d'Asturies, José Luis Iglesias Riopedre, aseguró güei ante los medios de comunicación, que la violencia ""nun ta nes aules, sinón que ye un tema social, que sufrimos nes escueles"".

Riopedre realizó estes declaraciones nel marcu d'un alcuentru llamáu 'Participación y democracia nel ámbitu Educativu', que se desarrolló nel Institutu Númberu 5 d'Avilés, onde tuvo acompañáu de l'alcaldesa d'Avilés, Pilar Varela.

Dientro d'esti alcuentru, el profesor de personalidá, evaluación y tratamientu psicolóxicu de la facultáu de Psicoloxía, Francisco Javier Rodríguez, ofreció una conferencia sobre 'Violencia Adolescente: Factores de Riesgu y programes d'intervención"".

Esta conferencia paeció-y mui interesante al conseyeru, puesto que ""se trata d'un tema tan crucial como ye la participación de les families"". ""Tamos convencíos de que ye lo más importante, porque nun sólo ta lligada a la democracia na escuela, sinón tamién a los rindimientos de los alumnos, porque a más participación familiar, meyora l'adautación de los neños y el rindimientu"".

L'agresividá nes aules ye otru tema que preocupa a Riopedre. ""Tenemos una serie d'instrumentos pedagóxicos pa rebaxar l'agresividá y educar a los mozos nuna conviviencia pacífica, basada na tolerancia"", argumentó.

A parte d'esto, Riopedre piensa que ""esto ye un problema de fondu"", y que les escueles nun tienen que ser les que sólo xueguen esta partida. ""Podemos ayudar dende la escuela, pero tien que ser la sociedá la que collabore en facer unos homes y muyeres más pacíficos y tolerantes"", esplicó."