Los vecinos de Xibares (Carreño) piden al Conceyu que nun conceda la llicencia de la obra del Altu Aboño

"L'Asociación de Vecinos d'El Tranqueru de Xibares exixó güei al Ayuntamientu de Carreño que se niegue a dar llicencia d'obra pal desmonte del Altu Aboño, porque esta actuación nun cuenta con Estudiu d'Impautu Ambiental.

Asina lo espresó'l colectivu al traviés d'una nota prensa, na que tamién plantegaba al Conceyu la necesidá de pidir ""la suspensión preventiva del actu alministrativu porque los daños medioambientales resultantes (de nun suspender l'actu) diben ser d'imposible o mui difícil reparación pal interés públicu"".

El comunicáu referíase d'esta manera a les últimes noticies sobre esti tema, según les cuales el Ministeriu de Fomentu diere'l so vistu boneu al Plan d'Utilización de los Espacios Portuarios d'El Musel, nel que s'inclúi l'actuación d'Aboño.

Según l'asociación, ""l'Ayuntameintu debía axuntar a esta petición de suspensión preventiva l'informe del defensor del pueblu nel que se calca na necesidá de realizar Estudiu d'Impautu Ambiental, y na diferencia dafechu col organismu que defendió la tesis contraria (Secretaría Xeneral pa la Prevención de la Contaminación y el Cambiu Climáticu)"".

Amás, ""nel hipotéticu casu de que se perdiere'l procesu, l'Autoridá Portuaria de Xixón diba tener que demostrar esos daños y perxuicios, puesto que los daños o perxuicios nun se presumen, hai que demostralos"", añadió l'asociación.

""El conceyu tien de negase a dar llicencia d'obra en cuanto y tanto nun haya un Estudiu d'Impautu Ambiental"", afirma la nota, na que s'esplica que se trata d'un ""estudiu preceutivu, según la normativa europea y asumíu pola llexislación española, nun movimientu de tierres de tal magnitú y de tan graves repercusiones pal mediu ambiente y los habitantes del conceyu de Carreño"".

QUE DESMONTEN LA CAMPA TORRES

L'asociación de Vecinos de Xibares El Tranqueru tamién criticó les recientes declaraciones de l'alcadesa de Xixón, Paz Fernández Felgueroso, apoyando'l preste del Ministeriu al plan. Indicaba l'alcaldesa que ""Xixón aporta más espaciu al nuevu plan que Carreño"". ""Pues faltaba más"", respondieron los vecinos, puesto que'l puertu d'El Musel conozse tamién como puertu de Xixón y non de Carreño, y mientres Xixón aumenta la so superficie nos espacios ganaos a la mar, Carreño pierde playes (la d'Aboño, en 1983, y va perder les de Peñamaría y Xibares) y pierde montes, y Xixón lléva la Talasoterapia y l'Acueriu ente otros regalos"".

""Dende equí queremos solicitar que se desmonte Santa Catalina o la Campa Torres o si mos apuren, el Cabu San Lorenzo, y que mos traigan l'Acuariu y Talasoponiente. Suponemos que l'alcaldesa va dir que nun xuega"", afirma la nota de prensa."