El profesor Fernández de Castro vuelve presentar una enmienda pa refugar la llingua asturiana en Filoloxía

"El profesor de la Facultá de Filoloxía de la Universidá d’Uviéu, Félix Fernández de Castro, ta acabante d’unviar una carta a una parte del profesoráu de la Facultá anunciando que tamién va presentar una enmienda contra la inclusión del asturianu como “Minor” nos nuevos planes d’estudiu propuestos pol nuevu decanu José Antonio Martínez, igual que fixera contra la propuesta fecha pol equipu decanal d’Ana Cano. Pa ello’l profesor solicita qu’al traviés de votación secreta “cada miembro de la Junta exprese su preferencia respecto a la presencia o no de un Minor de Asturiano en el futuro catálogo de la Facultad, y lo haga escogiendo entre las dos opciones siguientes: Opción A: Mantenimiento del Minor en Asturiano; Opción B: Exclusión del Minor en Asturiano”.

Nesa carta Fernández de Castro espón les razones pa eliminar los estudios d’asturianu de la Facultá de Filoloxía, repitiendo argumentos asemeyaos a los que diera na anterior enmienda. Una d’elles sería la falta de demanda social, yá qu’en palabres del profesor “yo, al menos, no creo que exista tal cosa. Se invocan las peticiones de un Consejero Regional, relativas a las necesidades de la enseñanza secundaria. Ahora bien, es conocido que estos días el Gobierno Regional se ve obligado estos días a negociar un pacto con una formación minoritaria que exige gestos hacia el asturiano. ¿Acaso va a determinar una coyuntura meramente parlamentaria lo que diseñamos en la Facultad?”. A esto añade qu’esa demanda ye namás producto de “una constelación de pequeños grupos, aunque con gran proyección mediática”, y pon l’exemplu de les protestes en xunu pasáu pol resultáu de l’anterior votación, “en junio, 34 miembros de la Facultad de Filología votamos contra la titulación, y 15 personas se encerraron 4 días junto al despacho del Rector para protestar por ello. ¿Quiénes han acabado mereciendo más atención, desde el punto de vista institucional?”.

Finalmente Fernández de Castro conseña que nun s’opón “a la docencia vinculada a la investigación científica”. Sicasí, cree que se trata “más bien de una propuesta normativa, reguladora, destinada a construir una realidad que algunos, muy pocos, desean. Estoy convencido de que este proyecto de nuestro equipo decanal busca sobre todo favorecer lo primero, pero llega a nosotros apoyándose en una solicitud, de origen pretendidamente “social”, que prefigura su deriva hacia lo segundo”."