El premiu Príncipe de Cooperación diz que'l galardón ye bono p'ayudar al continente africanu y sobre too a los neños

"El director del Kintapo Health Research Center de Ganha, galardonáu col Príncipe d'Asturies de Cooperación Internacional 2008, Seth Owusu-Agyei, mostróse satisfechu de tar n'Uviéu y señaló que'l premiu ""ye bono p'ayudar al continente africanu y especialmente a los neños"".

Owusu-Agyei realizó güei estes manifestaciones a la so llegada al Hotel de La Reconquista d'Uviéu. Foi'l segundu galardonáu en llegar a la capital asturiana, minutos dempués de que lo ficiere'l fundador del Sistema Nacional d'Orquestes Xuveniles galardonáu col Príncipe d'Asturies de Les Artes, José Antonio Abreu.

El epidemiólogu africanu agradeció la oportunidá de visitar el Principáu d'Asturies. ""Ye un privilexu tar n'Uviéu"", apuntó y añadió que va aprovechar la so estancia n'Uviéu pa dar a conocer les enfermedaes qu'afeuten a la población y amás va aprovechar pa disfrutar d'Asturies.

El Kintampo Health Research Centre (Centru d'Investigación en Salú de Kintampo), de Ghana, estableciólu como ún de los tres centros d'investigación del Serviciu de Salú de Ghana en 1994, col oxetivu d'aportar soluciones africanes a los restos de salú del continente. Dende la so creación desarrolló ún de los más amplios sistemes de vixilancia rexonal y nesti momentu, el KHRC ta probando la vacuna escontra la malaria denominada RTS,S en Ghana.

Esta vacuna, creada en 1987 y desarrollada por GSK Biologicals, mostróse efeutiva n'adultos d'Estaos Uníos, Bélxica y Kenia, asina como en neños de Mozambique y Gambia. El KHRC sumóse al desarrollu de la vacuna RTS,S nel 2006 con ensayos en neños d'ente cinco y siete meses d'edá, que van permitir fixar la seguridá d'esa inmunización na franxa de los cinco meses a los 17 años d'edá. Dende'l 2007, el centru ta dirixíu pol epidemiólgu Seth Owusu-Agyei."