La mafia calabresa factura cada añu cerca del 3% del PIB d'Italia, según el ministru d'interior tresalpín

"La organización criminal 'Ndrangheta, mafia orixinaria de la rexón de Calabria (sur d'Italia), factura 45.000 millones d'euros al añu, lo que representa ""casi tres puntos"" del Productu Interior Brutu (PIB) d'Italia, según reveló güei'l ministru del Interior del país tresalpín, Roberto Maroni.

Maroni, que participó nun alcuentru sobre desarrollu y seguridá na población calabresa de Cantanzaro, definió la 'Ndrangueta como ""una estraordinaria potencia económica qu'invierte, xenera innovación y condiciona los mercaos"" al traviés de ""control del territoriu y d'amedranar"".

El ministru esplicó que, pola so peculiar estructuración, la mafia calabresa ye ""distinta"" de les demás organizaciones criminales que furrulen en territoriu italianu, como la Camorra (na rexón de Campania) o Cosa Nostra (na rexón de Sicilia).

Según Maroni, el 60% de la facturación de la 'Ndrangueta procede del narcotráficu, especialmente al traviés del puertu de Gioia Tauro, que ye la principal puerta d'entrada de la droga procedente d'América Llatina, especificó.

Otros 10.000 millones proceden de la estorsión y la usura, lo que demuestra hasta qué puntu'l problema de la criminalidá afeuta a los empresarios, resaltó.

""Ésti ye'l frente"" pol que se debe atacar, afirmó'l ministru. Pa ello, el Gobiernu propónse aumentar los controles na concesión d'obres públiques asina como penar a les empreses que nun denuncien los intentos d'estorsión, concretó.

Los datos a conocer güei pol ministru coinciden colos qu'hai unos meses espardió l'Institutu d'Estudios Políticos, Económicos y Sociales (Eurispes), que sumaba la facturación de la 'Ndrangheta en 44.000 millones d'euros."