La disolución d'empreses aumenta un 12 por cientu n'Asturies los nueve primeres del añu, según Axesor

"La disolución d'empreses aumentó un 12 por cientu nel Principáu demientres los nueves primeros meses del añu sobre'l mesmu periodu del 2007, según l'últimu 'Estudiu Radar' de la entidá asesora Axesor.

Nel conxuntu del Estáu, un total de 13.784 empreses se disolvieron de xineru a setiembre del 2008, lo que supunxo un descensu del 3 por cientu sobre'l mesmu periodu del 2007, frente al incrementu del 23 por cientu col que se peslló'l primer semestre.

Por comunidaes autónomes, les mayores cayíes nes disoluciones rexistráronse en La Rioxa (-25%), Ceuta y Melilla (-22%), Castiella La Mancha (-14%) y Cataluña (-14%). Siguiéronles la Comunidá de Madrid (-13%), Baleares (-11%), Castiella y Llión (-11%), Canaries (-9%) y Aragón (-1%).

Pel contrario, produxéronse los mayores incrementos n'Estramadura (27%), Galicia (20%), Asturies (12%), Murcia (12%), Analucía (9%), País Vascu (7%), Cantabria (6%), Navarra (2%) y Comunidá Valenciana.

Pel contrario, nel Estáu'l númberu de sociedaes mercantiles que se dieron d'alta ente xineru y setiembre del 2008, algamó les 84.783, un 25 por cientu menos que nel mesmu periodu del pasáu añu, cuando se crearon 113.561 empreses, en llinia col trimestre anterior.

Toles comunidaes autónomes esperimentaron un descensu nel númberu de constituciones de sociedaes mercantiles hasta'l mes de setiembre. Ente elles, destacaron Aragón (-34%), siguida de La Rioxa (-31%), Castiella y Llión (-30%), Baleares (-29%) y Anadalucía (-28%).

A continuación asitiáronse, con un descensu del 27 por cientu, Cantabria, Cataluña, Estremadura, País Vascu y Comunidá Valenciana. Finalmente, asitiáronse Canaries (-26%), Comunidá de Madrid (-24%), Murcia (-23%), Navarra (-20%), Asturies (-19%), Galicia (-18%), Ceuta y Melilla (-9%) y Castiella La Mancha (-5%)."