La policía impide manifestase a los trabayadores d'Asturiana de Zinc, según los sindicatos

"Efeutivos policiales impidieron manifestase güei a los trabayadores d'Asturiana de Zinc (AZSA), según informaron a Europa Press fontes sindicales. Los sindicatos convocaren al comité d'empresa y la plantiya a una concentración a les 5.00 hores de güei a la entrada de la fábrica de San Juan de Nieva pa cortar el tráficu coincidienco cola entrada del turnu de la mañana.

Según los sindicatos, hasta'l llugar fueron efeutivos de la Guardia Civil y antidisturbios que-yos impidieron concentrase. ""Nun mos dexaron cortar la carretera, pidiéronmos el carné d'identidá y mos requisaron material que llevábemos en coche igual que si fuéremos tradicantes de drogues o terroristes"", comentó un sindicalista.

Los sindicatos denunciaron l'actitú de los cuerpos de seguridá del Estáu por actuar como ""un cuerpu de seguridá privada pa una emrpesa como Asturiana de Zinc"".

Les negociaciones pa renovar el conveniu colectivu de la empresa quedaron rotes ante les fuerces diferencies ente trabayadores y empresa. El comité reclamaba una subida penriba del IPC, mientres que la compañía fixó la so última ufierta nel 2,75."