PP y IX piden el cese de Menéndez Rexach como presidente de l'Autoridá Portuaria de Xixón "pol so mal proceder"

"El Plenu de la Xunta Xeneral del Principáu aprobó güei na Xunta Xeneral del Principáu d'Asturies (XXPA), colos votos de PP y IX, una moción siguiente de los 'populares' pola que se pide al Gobiernu que separe darréu del cargu de presidente de l'Autoridá Portuaria a Fernando Menéndez Rexach ""pol so manifiestu mal proceder nes responsabilidaes del cargu"". El PSOE votó a la escontra, al considerar ""desproporcionada"" la iniciativa.

Na sesión d'orientación celebrada güei del Plenu de la Xunta Xeneral del Principáu, el diputáu del PP Agustín Cuervas Mons defendió una moción siguiente pola qu'encamentaba al Gobiernu a separar del cargu ""darréu"" al presidente de l'Autoridá Portuaria de Xixón, Fernando Menéndez Rexach, pol so manifiestu ""mal proceder"". Referíase asina a la negativa de Rexach al declarar na Comisón d'Infraestructures de la Cámara, señalando que nun ta obligáu pol Reglamentu de la mesma.

La moción tamién solicitaba que tolos vocales del Principáu na Autoridá Portuaria informen periódicamente ante la Comsión d'Infraestructures sobre l'ampliación del puertu d'El Musel. Sin embargu, esti puntu nun salió alantre, al astenese IX.

Agustín Cuervas Mons dixo na so intervenvión que l'escesu de coste del Puertu, de 16 millones ensin IVA, y pola mala ""xestión"" del Gobiernu y a una total ""escuridá"" per otra parte de l'Autoridá Portuaria. Señaló que se ""taparon"" datos del aumentu de coste y que tovía nun ta claro d'ónde va algamase la financiación, esplicando que lo mas probable ye que terminen pagándolo tolos españoles al traviés de los Presupuestos Xenerales del Estáu (PXE)."