Xuristes pol Asturianu va presentar un recursu d’amparu al Tribunal Constitucional

"L'asociación ""Xuristes pol Asturianu"" va presentar un recursu d'amparo énte'l Tribunal Constitucional depués de la sentencia que fixo pública'l Tribunal Superior de Xusticia d'Asturies desestimando la demanda d'un funcionariu de l'Alministración del Principáu d'Asturies, al que se-y ñegó l'esfrute de les sos vacaciones añales por solicitales al traviés d'escritu redautáu en llingua asturiana.

El Tribunal Superior de Xusticia d'Asturies desestimó la demanda basándose en que, anque la llei la Llei 1/1998 diz que ""tolos ciudadanos tienen el drechu al usu del bable/asturianu nes comunicaciones orales o escrites col Principáu d'Asturies"" (artículu 4) y ampara ""la non discriminación de los ciudadanos por esti motivu"" (artículu 3), hai qu'entender que la referencia a ciudadanos nun inclúi a los funcionarios públicos por mor de la so especial suxeción.

Pal presidente de Xuristes pol Asturianu, Xosé Maria Estrada, esta ye ""una sentencia que nun duldamos en calificar de despropósitu xurídicu dafechu"", polo que van ""sofitar el correspondiente recursu d'amparu al Tribunal Constitucional""."