ALSA asegura, ante la convocatoria de fuelga, que cumple "na so totalidá'l conveniu colectivu"

"La empresa de tresporte ALSA fizo güei públicu un comunicáu nel que refugó les acusaciones de los sindicatos que convocaron una fuelga nel grupu pa la próxima selmana. La compañía asegura que ""cuple na so totalidá'l conveniu colectivu del sector del tresporte de viaxeros asina como la llexislación vixente"".

De la mesma manera, la empresa asegura que cualquier diferencia sobre'l conveniu colectivu ""tien de tratase nel marcu de la negociación colectiva o nos cauces establecíos pal siguimientu del mesmu, como ye la comisión paritaria establecida pa tales casos, non mediante una convocatoria de fuelga"".

Tamién apunta la empresa que los derechos individuales que puen tener dalgunos trabayadores de dalgunes empreses del sector que cumplan determinaes condiciones ""tienen de reclamase individualmente, non de forma colectiva"".

El motivu de la movilización convocada a de magar el día 22 con carácter indefiníu ye, según los sindicatos, el ""repetíu incumplimientu"" per parte de la empresa tanto del conveniu colectivu sectorial como l'apliación de la llei."