Foro de Ermua pide a Betancourt que refugue'l Príncipe d'Asturies pol so apoyu a negociar con terroristes

"El Foro de Ermua reclamó güei a Ingrid Betancourt que devuelva'l Premiu Príncipe d'Asturies de la Concordia, que-y concedieron esti añu y que va recoyer la próxima selmana n'Uviéu, dempués de les manifestaciones a ""favor de la negociación con organizaciones terroristes"", puesto que, al so xuiciu, esta posición ""nun collabora cola convivencia de paz ente homes nin cola xusticia, nin cola llibertá"".

El movimientu cívicu considera que les declaraciones de Bentancourt a favor de la negociación ""tán mui equivocaes y son gravemente perxudiciales"" pa la llucha antiterrorista porque ""la negociación nun sólo nun permite salvar vides sinón que ye un factor fundamental pa la continuidá del terrorismu"".

D'esta manera, el Foru de Emua recordó a Bentancourt qu'ella mesma foi lliberada ""por una aición decidida del exércitu"" dempués del fracasu de los intentos de negociación y argumentó que ""nun hai un solu casu"" nel qu'una organización terrorista desapaeciere o llegare a la marxinalidá al traviés de la negociación.

""La negociación dota al terror d'una moralmente inaceptable finalidá práutica, d'una implícita llexitimación de la violencia terrorista y da una amplia pulibicdá a los sos posicionamientos políticos y sociales, ocasionando un irreparable desconsuelu y una gravísima frustración na inmensa mayoría de les víctimes del terrorismu qu'aspiren naturalmente al trunfu de la xusticia y al consiguiente castigu de los terroristes"", alvirtió.

Poro, defendió que, dende ""la solidaridá y apoyu"" a Betancourt pola so condición de víctima, ponga a disposición de la Fundación Príncipe d'Asturies el preciu de la Concordia, un galardón que'l Foru considera ""inxustificable y inoportunu"" dempués del so apoyu a la negociación."