La patronal de la construcción alerta de la reducción d'inversiones n'Asturies per parte del Gobiernu central

"La Confederación Asturiana de la Construcción, al traviés de la so publicación 'Ático', alertó de que la ""reducción"" d'inversiones n'infraestructures nel Principáu ""entama a ser significativa y fai necesario dar la voz d'alarma, enantes de que seya mui tarde"".

La publicación, recoyida por Europa Press, inclúi nes sos páxines interiores los datos del Observatoriu de la Construcción, nos que se constata que nos ocho primeros meses d'esti añu'l presupuestu inversor por habitantes n'Asturies ye de 116 euros, una cantidá inferior a casi 300 euros, sobre la media de los últimos cinco años.

Na so editorial, la revista recueye que dende la CAC ya hai unos meses que vienen observando un ""amenorgamientu de la obra pública"", sobre too per parte de la que depende o ye responsabilidá de l'Alministración del Estáu.

Asina, indiquen que si se compara'l volume inversor de l'alministración Central demientres los ocho primeros meses del 2008 cola capacidá de subasta pública de los exercicios del 2004 y 2006, el diferencial negativu asitiase penriba del 8,5%.

Al referise a ""cuestiones pendientes"" n'infraestructures, dende la CAC se resalten los tramos tovía por executar de l'Autovía del Cantábricu; l'autovía del Suroccidente y el trazáu del AVE ente la Pola L.lena y Xixón, ""cuatro exemplos d'obres irrenunciables pa qu'Asturies se ponga al mesmu nivel competitivu qu'otres autonomíes del país"".

Per otra parte, el presidente de la CAC, Serafín Abilio Martínez, al traviés d'una carta incluyida na publicación, destaca la necesidá d'apoyar al ""profesional de la construcción"" pa poder facer frente a la situación económica que se vive.

Abilio Martínez denuncia que se tornare al promotor ""nuna especie de cabeza de turcu y lu acusen de ser un especulador y un oportunista"". Asina, indicó que lo cierto ye qu'esi ""profesional"" defendió siempre los planes de vivienda, tanto llibre como protexida."