La planta de Suzuki en Xixón prevé un recorte de producción, anque garantiza'l caltenimientu del personal fixu

"La planta de Suzuki en Xixón plantegó pa esti añu un recorte de producción, de tal manera que la factoría pase a producir ente 35.000 y 37.000 unidaes. Nel añu 2007, l'oxetivu de la planta yera la producción de 45.000 motocicletes. El mencionáu recorte nun va afeutar en nengún casu al númberu de puestos de trabayu nel personal fixu, según les fontes sindicales consultaes por Europa Press.

Les citaes fontes esplicaron que'l ""axuste"" na producción ta tovía en fase d'estudiu y falta concretalu en conceyos siguíos, de carácter mensual, que se caltengan ente la direición de la empresa y los sindicatos. Foi hai un mes cuando la compañía informó d'esi recorte de producción.

La plantiya de la fábrica de Xixón de Suzuki ye de 262 trabayadores fixos. El compromisu de la empresa ye de caltener esta plantiya, anque non la d'eventuales. Asina, la empresa ya nun renovó a 130 emplegaos eventuales a primeros del branu. Esta plantiya taba contratada na so mayoría por ETTs y subcontrates.

En cualquier casu, los sindicatos mostráronse prudentes a la espera de conocer la decisión definitiva de la empresa y aseguraron que, de momentu, les noticies ""nun son preocupantes"" pa la planta de Xixón."