Los daños al mediu ambiente van obligar a millones de persones a dexar les sos cases, según espertos

"Los daños al mediu ambiente, como l'avance del desiertu y les indundaciones provocaes pol cambiu climáticu, puen forzar a millones de persones a abandonar les sos cases nes próximes décades, afirmaron ayeri dellos espertos.

""Tolos indicadores muestren que tamos tratando con un gran problema emerxente a nivel global"", declaró Janos Bogardi, director del institutu de Mediu Ambiente y Seguridá Humana de la ONU en Bonn, Alemaña. ""Los espertos estimen que pal 2050, 200 millones de persones van vese desallugaes por problemes medioambientales, una cantidá de persones aproximadamente igual a dos tercios d'Estaos Uníos güei"", indicó l'Institutu nun comunicáu.

Bogardi aseguró amás que l'actual númberu de migrantes por problemes ambientales puen ser d'ente 25 a 27 millones de persones. A diferencia de los refuxaos políticos qu'escapen del so país, munchos busquen nueves cases na so patria. L'espertu añadió que ye importante buscar formes pa rastrexar la cantidá de persones forzaes a dexar les sos cases por razones como problemes na cosecha, causaos pol calentamientu global, pa que d'esta manera los gobiernos y los grupos d'asistencia puean alcontrar maneres d'ayudar.

RECONOCENCIA

""El principal pasu p'ayudar ye la reconocencia"", indicó Bogardi a Reuters. Nel pasáu, munches d'estes persones considerábense como migrantes económicos. Sin embargu, los migrantes económicos, por exemplu, yeren davezu homes mozos en busca de trabayu.

""Espérase que la migración motivada por cambios medioambientales se caracterice por persones más probes, muyeres, neños y adultos mayores, provenientes de situaciones medioambientales más desesperaes"", dixo. Espertos de sobre 80 países van aconceyase en Bonn dende'l 9 al 11 d'ochobre pa discutir cómo ayudar a migrantes medioambientales.

Un estudiu de 22 países en desarrollu, realizáu pol institutu de Bogardi y dellos otros centros d'investigación enfocaos a estudiar les razones de la migración, mostró preocupación sobre'l fechu de que les redes de gráficu humanu pudieren beneficiase del dañu al mediu ambiente.

En Bangladesh ""muyeres con neños, con maríos que morrieron na mar demientres el ciclón 'Sidr' o tán siempre fuera faciendo trabayos de migrantes, son una presa fácil pa traficantes y terminen en redes de prostitución o faciendo trabayu forzáu na India"", indicó l'estudiu."