La ONU da'l preste a la Corte de Xusticia pa estudiar el recursu de Serbia escontra la independencia de Kosovo

"L'Asamblea Xeneral de Naciones Uníes dio lluz verde a la Corte Internacional de Xusticia (CIX) pa qu'estudie'l recursu presentáu por Serbia y decidir si la independencia de Kosovo ye llegal.

Espérase que la CIX, con sede en L'Haya, tarde ún o dos años n'aprobar un veredictu sobre esta cuestión. Pa Belgrado, la neutralidá del tribunal va ayudar a rebaxar tensiones na rexón balcánica, pero los países qu'apoyen a Pristina piensen que va enzancar la integración de Kosovo na comunidá internacional."