La tasa d'incidencia del gripe algama ún de los niveles más altos de la década última

Llegó a los 735 casos por cada 100.000 habitantes na selmana última del añu.

La incidencia del gripe siguió aumentando n'Asturies hasta rexistrar una de las más altas de los últimos años, pero ensin llegar a superar la máxima rexistrada na rede de médicos centinela na temporada 2007-2008, con un picu de 953 casos por 100.000 habitantes. Esta situación implica un nivel d'intensidá mui altu, que se caltién perriba del umbral epidémicu per sétima selmana consecutiva.

El gripe aumenta en tolos grupos d'edá, pero de forma muncho más notable ente los menores de cinco años. Sigue habiendo un predominiu mui nidiu de virus gripales B, anque tamién se dio un pequeñu aumento de los A, y nun s'esperen cambios significativos.

Otra manera, comienza a detectase un descensu de los aislamientos de virus. Esta situación convida a pensar que se llegó al máximu d'incidencia de la temporada, dalgo que sólo se podrá asegurar en función de la evolución de las selmanes próximes.

Sicasí, la previsión ye que la demanda asistencial por procesos gripales siga siendo alta, tanto n'Atención Primaria como nos hospitales, anque con una proporción baxa de casos graves, claramente inferior a la de la temporada anterior. No que va de temporada, morrieron n'Asturies por gripe siete persones, seis d'ellos homes y otros tantos mayores de 70 años, tando cuatro vacuanaes y presentandado toes elles factores de riesgu.