L'Asociación d'Escritores d'Asturies premia a cuatro autores n'asturianu

"L'Asociación d'Escritores d'Asturies dio anuncia de los premiaos na tercer edición de los ""Premios de la crítica d'Asturies"", ente los que rescamplen los autores en llingua asturiana Cristina Muñiz, Antón García, Vicente García Oliva y Severino Antuña. Asimesmo concedió al escritor en castellán Luís Fernández Roces el premiu'l ""III Premio de las letras asturianas"".

Los premios de la crítica na so tercer edición premiaron les obres publicaes en 2007 qu'a xuiciu del xurau mas destaquen nes sos respectives categories. D'esti mou na modalidá de narrativa en llingua asturiana'l premiu foi pa Cristina Muñiz Martín por ""El buscador d'hestories"", mientres qu'en poesía'l ganador foi Antón García cola obra ""La mirada aliella"". En cuanto a la categoría de lliteratura infantil y xuvenil resultó premiáu'l llibru ""Garulla. Antoloxía del ritmu"" de Vicente García Oliva y Severino Antuña.

Na categoría d'obres en castellán los premios fueron Antonio Valle en narrativa por ""Mensajes de un mundo dibujado"", en poesía Inés Toledo por ""El final del cuento"" y finalmente Mónica Rodríguez na categoría de narrativa infantil y xuvenil col llibru ""Los caminos de Piedelagua""."