Los usuarios d’Asturies.com asumen una prórroga presupuestaria

Les negociaciones ente’l Gobiernu y Podemos sobre los presupuestos nun van llegar a bon puertu, n’opinión de los llectores d’Asturies.com. Un 64 por cientos de les persones que participaron nel nuesu ‘Conceyu Abiertu’ asume una prórroga de les cuentes.

La entruga plantegada nesta ocasión yera ‘¿El Gobiernu va poder sacar alantre los presupuestos del 2018?’, a lo qu’un 64 por cientu votó pola opción ‘Non, vamos vivir una prórroga presupuestaria’, por un 36 por cientu que considera que ‘Sí, va llegar a un alcuerdu con Podemos y Izquierda Xunida’. Lo cierto ye que les negociaciones cola coalición avancen y les cuentes del Executivu de Javier Fernández van tener el so apoyu, pero nun asocede lo mesmo con Podemos, indispensable p’aprobar los presupuestos.

Mañana a les 14 hores fina’l plazu pa presentar enmiendes a la totalidá –tamién parciales– al Proyeutu de Llei de Presupuestos Xenerales del Principáu d'Asturies pal 2018 y dende la formación morada tán a la espera de ver propuestes más concretes en delles estayes, como Sanidá, pa tomar un decisión. El Plenu nel que s’aldericarán va celebrase’l vienres.