El CAO llama a manifestase pola oficialidá esti sábadu

"Col lema ""Ensin oficialidá nun hai estatutu que valga"" el Conceyu Abiertu pola Oficialidá fai un llamáu a la sociedá asturiana a movilizase pola oficialidá de la llingua asturiana. La manifestación va salir esti próximu sábadu 4 d'ochobre a partir de les 18:00 hores desde la Estación del Norte d'Uviéu y va recorrer les principales cais de la capital del país pa terminar na plaza de la Catedral.

Esta nueva movilización pola oficialidá presentóla'l pasáu martes en rueda de prensa Fernando Ornosa, portavoz del CAO. Nella desplicó les característiques de la mesma. Nesta ocasión va abrir la manifestación una pancarta con delles personalidaes del mundu cultural y social d'Asturies Darréu d'ellos va dir una xuntura de distintes bandes de gaites tres la que va asitiar la pancarta colos represnetantes de les organizaciones polítiques y sindicales.

Anque la reforma del Estatutu ta aparada dende'l mes de setiembre, ""yera un deber convocar esta movilización"" en palabres de Fernando Ornosa, y añadió que ""sía agora, dientro de dos meses o de tres años cuando s'aprebe l'Estatutu, siempre vamos tar reclamando la oficialidá""."