Ecoloxistes dicen que l'emisariu submarín d'Avilés namás que va "treslladar la contaminación d'un sitiu a otru"

"El Colectivu Ecoloxista d'Avilés reconoció güei que la depuradora permitió meyorar la calidá de les agües de la ría pero alvirtió a la vez que col emisariu submarín de Xagó lo único que va pasar ye que ""va treslladase la contaminación de la Ría al mar"", pese a que la mar ""tien una capacidá llendada de tratamientu"".

Los ecoloxistes recordaron que na ría tovía van quedar los llodos y arenes que tán contaminaos por metales pesaos y otros elementos non biodegradables. Aseguren, nun comunicáu, qu'existen informes de l'Alministración que demuestren que ""la llamuerga del Monumentu natural de Zeluán tien elevaes cantidaes de metales pesaos amás d'otros elementos como hidrocarburos peaos"". Aseguren, de la mesma manera, que retirar estos llodos ""ye mui difícil y la mar nun tien la capacidá cuando sube la marea de llimpiar la totalidá de les agües"".

Los ecoloxistes entienden que la misión del emisariu submarín va ser ""espader la porquería que saca la depuradora per toles playes y fondos marinos del entornu del Cabu Peñes y esto va agravar los problemes de contaminación que sufren llugares como la playa Xagó y el Cabu Negru"".

El colectivu apuntó sicasí otres ""amenaces"" pa la ría y mencionó concretamente les obres na marxe derecha que ""suponen acabar cola zona de folla de la oriella derecha na so área central del Recastrón, con tolos sos valores ambientales""."