El nuevu Hospital Central va tener siete aules que Gotor plantega destinar a los últimos cursos de melecina

"El nuevu Hospital Central d'Asturies va tener polo menos siete aules pa clases universitaries, amás d'un salón d'actos, una zona de despachos y un seminariu. Too ello va tar integráu dientru d'un comoplexu de 5.000 metros cuadraos independiente del área mélica conectada con ella pal desarrollu de práutiques per parte de los alumnos. El rector de la Universidá, Vicente Gotor, apuesta por crear nestes instalaciones a los últimos cursos de melecina, pero nun ve operativi un treslláu completu de la facultá.

Los planos mostrólos güei en rueda prensa un asistente del conseyeru de Salú, Ramón Quirós. El responsable autonómicu convocó a los medios p'anunciar la denuncia del aniguu conveniu de collaboración ente la so cartera y la Universidá d'Uviéu, y el emtamu de la ellaboración d'otru acuerdu renováu, que va incluyir dellos aspeutos nos que'l Principáu y la Institución Académica puen prestase ayuda mutua en materia de sanidá y formación de profesionales.

L'aspeutu más destacáu d'esta collaboración va ser l'área docente del nuevu Hospital Universitariu Central d'Asturies (HUCA). Na rueda prensa mostráronse delles semeyes del área abovedada de la fachada norte, na que van incluyise siete aules universitaries, una zona de seminarios y árees d'estudios. Llendera con esta parte va haber otra de despachos comuniada con un gran salón d'actos, y polo menos otra aula.

Too ello va tar separao del área mélica y va tener un accesu diferente del restu del hospital. Sicasí, va tar conectao cola zona de consultes esternes, como la parte quirúrxica, de partos y del restu de servicios xenerales hospitalarios.

Como explicó Ramón Quirós, ""contémplense más de 5.000 metros cuadraos, nos que pue acoyese docencia y departamentos"". Esta construcción respuende a la busca de ""cómo rentabilizar meyor les instalaciones nueves y antigües que tien el sistema pa facer que la formación de los sanitarios tengan cuantos más componentes cercanos a la profesión meyor"", añadió'l conseyeru.

TRESLLÁU DE MELECINA

Gotor consideró pocu operativu un treslláu completu de melecina a estes nueves instalaciones, y prefier que les aprovechen sólo los últimos cursos de la carrera. ""Nós lo que queremos ye ser operativos. Nesti momentu la Facultá de Melecina tien unes instalaciones renovaes y la Facultá d'Enfermería ye nueva"", recordó.

Añadió que nun recnuncia al treslláu completu, pero apuesta por ""aprovechar los recursos humanos y materiales"". ""Si hai unes instalaciones dignes na facultá pa los primeros cursos, yá veremos cómo se puen complementar los últimos que tienen práutiques hospitalaries y nos qu'hai muncha más docencia práutica nel nuevu hospital"". ""Yera absurdu"", afirmó, ""falar de treslladalo too, cuando ye poco operativo, y habiendo munchos departamentos que son interfacultativos, y con profesores que dan clase non sólo en Melecina, sinón tamién en Bioloxía y Química"". Amás, recordó que ""en toles universidaes ta apostándose por incluyir Psicoloxía nel campu de Ciencies de la Salú"". Sicasí, Gotor dexó claro que too ello va negociase nel conveniu."