Detienen a 121 persones na mayor operación n'España escontra la pornografía infantil

"Axentes de la Policía Nacional detuvieron a 121 persones na que se considera la ""mayor operación realizada hasta la fecha"" nel nuesu país escontra la pornografía infantil n'internet. Amás, hai otres 96 persones implicaes por tenencia y distribución de material pedófilu na rede.

Na operación, na que participaron 800 policíes nacionales, rexistráronse 210 viviendes en 42 provincies y interviniéronse millones d'archivos de vídeos y semeyes, dalgunes d'elles con agresiones a menores d'estrema dureza, según informó la Policía Nacional nun comunicáu.

L'operativu, bautizáu como 'Operación Carrusel' y desarrolláu pola Brigada d'Investigación Teunolóxica (TIB), col apoyu de les brigaes provinciales de Policía Xudicial de les poblaciones implicaes, entamó en xunetu del añu pasáu cola collaboración de la Policía Federal de Brasil y permitió esmantelar una estensa rede de distribución gracies a la collaobración de les policíes de varios países.

Les investigaciones realizaes permitieron llocalizar, nuna conocidad rede d'intercambiu ficheros, más de 18.000 conexones correspondientes a proveedores d'accesu a internet, de 75 países, nes que se distribuyíen abondos archivos de conteníu pedófilu.

La BIT centró la so investigación sobre más de 1.600 conexones pertenecientes a España. Los investigaos compartíen nes redes P2P polo menos tres archivos clasificaos como pornografía infantil. El nome de los mesmos facía referencia al so conteníu, como 'preteen' o 'pcth' (preteen hard core). D'esta manera llogró identifcase 250 viviendes dende les que se descargare y distribuyere les imaxes pornográfiques, polo que se solicitaron al Xulgáu d'Instrucción númberu 5 de Madrid los correspondientes mandamientos xudiciales d'entrada y rexistru.

VÍCTIMES NEL ENTORNU FAMILIAR

Dos de los deteníos, amás d'algamar y compartir pornografía infantil, producíen el so propiu material. Los investigadores pudieron identificar a les dos víctimes, que pertenecíen al entornu familiar de los abusadores.

Pola gran cantidá de material informáticu interveníu nos rexistros, el so conteníu ta pendiente d'analizase polos especialistes policiales. L'oxetivu ye determinar si existieron otres víctimes de dalgún de los implicaos, asina como establecer les sos rellaciones con otros pederastes na rede.

Amás, dalgunes de les viviendes identificaes yá se rexistraren n'investigaciones de la mesma naturaleza y los responsables del delitu deteníos por diferentes cuerpos policiales. N'otros casos, pa intercambiar los ficheros utilizáronse redes 'wifi' abiertes (accesibles ensin contraseña).

AMPLIU ABANICU SOCIAL Y LLABORAL

El perfil de los deteníos nel marcu d'esta operación ye mui ampliu: hai persones con diferentes profesiones, dende pilotos comerciales a conserxes, pasando per taxistes y emplegaos de banca, con dellos niveles d'estudios y con una amplia franxa d'edaes, dende menores d'edá hasta xubilaos.

Na operación, coordinada a nivel nacional pola BIT, practicáronse 210 rexistros nos que participaron 200 secretarios xudiciales. Interviniéronse millones d'archivos de conteníu pedófliu ente los que se llocalizaron videos d'estrama dureza que conteníen agresiones a menores de mui corta edá."