Concursu de cuentos en L.lena

"El Conceyu L.lena convoca un Concursu de Cuentos, en collaboración cola Conseyería de Cultura. Dotáu con 3.005 euros pal trabayu que resulte gallardonau, tea escritu n'asturianu o castellanu, compitiendo dambos idiomes en categoría única.

Los escritos han tener un máximu d'ocho folios, Din-A4, mecanografiaos (ordenador o máquina d' escribir) per una sola cara, a dos espacios y perfectamente lleíbles; a razón de 32 llinies, de 70 caracteres aprosimadamente.

Han presentase l'orixinal y cinco copies, escritos en castellanu o n'asturianu, firmaos con nomatu, debiendo acompañase la plica (sobre) correspondiente na que tien de tar conseñáu nome, apellíos, señes postales y teléfonu del autor. Cada participante nun podrá presentar más d´ un solo cuentu.

El tema ye de llibre escoyeta del autor. El cuentu ha ser rigurósamente inéditu, non premiáu anteriormente, nin suxetu a compromisu nengún d'edición. El plazu de presentación de trabayos termina'l dos de febreru de dos mil nueve. El ganador del concursu darase a saber pal tiempu de la fiesta de la flor y el trabayu gallardonáu va pasar a ser propiedá del Ilmu. Conceyu L.lena, que se reserva 'l derechu a editalu. Nun se van devolver los trabayos presentaos, qu'han unviase a les señes de la casa de cultura del conceyu, nel CP 33630"