El CAO llama a una manifestación n'Uviéu a favor de la oficialidá

"La plataforma cívica Conceyu Abiertu pola Oficialidá, na que tan enxertes mas de 150 organizaciones de tou tipu col exetivu común de llograr la oficialidá del asturianu na reforma del estatutu d'autonomía, convoca pa esti mes d'ochobre una nueva movilización masiva pola oficialidá de la llingua asturiana.

La manifestación, col lema ""Ensin Oficialidá nun hai Estatutu que valga"", va salir de la Estación del Norte d'Uviéu a les seis de la tarde del prósimu sábadu cuatro d'ochobre. El CAO, qu'apocayá presentó los ultimos resultaos de la so campaña ""doi la cara pola oficialidá"" na que más de 6.000 persones se retrataron a favor del asturianu, llama a los asturianos y asturianes ""a manifestar la so denuncia énte la voluntá de los partíos mayoritarios de condenar a muerte al nuesu patrimoniu llingüísticu""."