FEVE inaugura'l llunes los nuevos trenes direutos ente Xixón y Uviéu

"La empresa FEVE inaugura'l próximu llunes los nuevos trenes direutos que van cubrir la ruta ente Xixón y Uviéu. Al viaxe inaugural, que va salir de Xixón a les diez hores, ta prevista l'asistencia d'autoridaes del Principáu, del presidente de FEVE, Ángel Villalba, del delegáu del Gobiernu, Antonio Trevín, y autoridaes llocales de Xixón y Uviéu.

Los servicios son direutos, ensin paraes, y cada trenta minutos. Les frecuencies son d'una hora y entamen a les 6.22 en Xixón y a les 6.50 n'Uviéu, ye dicir, que los trenes salen de Xixón a les hores y 22, y d'Uviéu a les hores y 50. Los últimos servicios salen a les 21.22 de Xixón y a les 21.50 d'Uviéu.

Los horarios de Feve coordináronse colos de Renfe pa que la rellación ferroviariu ente Xixón y Uviéu se refuerce, puesto qu'amás les estaciones de dambes llocalidaes son compartíes.

Otra novedá ye la puesta en marcha de trenes semidirectos ente Uviéu y La Pola Siero, y ente Uviéu y Nava, trayectos pertencientes a la Cercanía Uviéu-L'Infiestu. Nes Cercaníes Fuso-Collanzo y Xixón-Llaviana modificáronse dalgunos horarios p'adautalos a la nueva ufierta."