España va ser nel 2040 "el país más vieyu del mundu", cola metá de la población de más de 55 años, según un estudiu

"España va ser, nel 2040, ""el país más vieyu del mundu"" cola metá de la población penriba de los 55 años, y casi'l 40 por cientu d'orixe estranxeru. Amás, el númberu d'universitarios va descender, na próxima década, en 300.000, sobre'l 2001, según l'informe 'Futuros posibles 2020', presentáu güei por APD y Hay Group en Bilbao, nuna xornada titulada 'Les claves de la xestión de persones nes empreses d'éxitu calteníu'.

El trabayu precisa que na pirámide d'edá prevista pal 2020 s'espeya que, por cada persona qu'entra nel mercáu llaboral, xubílense tres trabayadores y per primer vez na historia va haber más persones mayores de 55 años que menores d'edá.

Ante esta perspectiva, el 97 por cientu de les organizaciones de tol mundu declaren ""tener procesos formales de xestión de talentu"", puesto que confiensen ""dificultaes"" pa desarrollar la cantidá y calidá de cabezaleros que necesiten pa sobrevivir y desarrollase. El 80 por cientu nun tienen bastantes candidatos internos de calidá pa cubrir nel futuru puestos d'alta direición.

Per otru llau, la xubilación de los 'babyboomers' va facer que falte'l ""talentu"" tanto n'Europa como nel restu del mundu, puesto que según les previsiones, 75 millones d'emplegaos n'EE.UU van retirase en diez años, y sólo va haber 45 millones pa reemplazalos. Amás, el 50 por cientu de los altos directivos americanos van retirase enantes del 2012. No que afeuta a España, na próxima década'l númberu d'universitarios va baxar en 300.000 sobre'l 2001.

TALENTU DIRECTIVU.

La falta de ""talentu directivu"" va favorecer nuevos esquemes de trabayu pa los mayores de 55 años. D'esta manera, la empresa estaounidense Aerospace Corp (USA) tien un programa de ""xubilación casual"", que permite a emplegaos de más de 55 años xubilase y siguir trabayando un máximu de 1.000 hores añales en proyeutos concretos col so nivel salarial anterior. El 80 por cientu de los emplegaos que se xubilen opten por esta fórmula.

L'estudiu tamién señala que diez de les 15 mayores resquiebres n'empreses de la historia produxéronse dende'l 2001, y que cada vez les presiones con periodos de desarrollu son más pequeños, lo que provoca la focalización ""únicamente al cortu plazu"".

Poro, tres analizar en fondura les 40 empreses del 'Fortune 500', un llistáu coles 500 mayores empreses estaounidenses, salieron a la lluz una serie de ""variables imprescindibles"", n'alusión a la calidá de lideralgu y gobernación, la efectividá na implantación de la estratexa, la capacidá de reaición, llevar decisiones a la práutica o les persones como activu principal."