El PP piensa qu'ésti foi'l discursu "más probe" d'Areces y Izquierda Xunida llamentó la "indefinición" del presidente

"El presidente del PP d'Asturies y voceru del grupu parlamentariu 'popular', Ovidio Sánchez, aseguró güei que'l discursu pronunciáu pol presidente del Principáu, Vicente Álvarez Areces na primer sesión del alderique sobre orientación política, ye ""el más probe de los pronunciaos hasta agora, amás del más cortu, dalgo qu'agradecen"". Pela so parte, el so homólogu d'Izquierda Xunida-Bloque por Asturies-Verdes, Jesús Iglesias, llamentó la ""indefinición"" de la intervención, y aseguró que tuvo por oxetivu ""nun pisar callos y nun molestar nin al PP ni a la so coalición"".

""Foi un discursu con mui poca gana, más alminitrativu que políticu y faltó-y l'entusiamsu de dalguién que piensa que pue resolver los problemes d'Asturies"", afirmó Sánchez.

El presidente del PP, en rueda prensa, afirmó que la ""única novedá de la intervención d'Areces ye que nun hai novedá"" y consideró que ""se repiten los mesmos argumentos esquivando la crisis y diciendo que la mesma ye culpa de los demás y qu'Asturies ta bien preparada pa ella"", dalgo qu'al so xuiciu nun ye asina.

""Areces fizo una memoria d'actividaes, dalgo a lo que mos tien avezaos y llueu utiliza un tonu que nun se correspuende cola realidá"", dixo Sánchez.

Ante'l pidimientu d'Areces d'altor de mires p'aprobar los presupuestos, Ovidio Sánchez indicó qu'al PP nun se-y pue echar en cara que nun tuviere dispuestu a dialogar. ""Demientres esti añu yá mostramos altor de mires y nun ye precisamente'l PP el que pon dificultaes pal diálogu"", dixo Sánchez.

Nesti sen destacó que ""ye cierto qu'ensin un presupuestu va ser muncho más difícil facer frente a la crisis"".

Sobre les midíes p'amenorgar los efeutos de la crisis presentaes por Areces, Sánchez indicó que fueron ""mui xenériques, de pocu caláu y ensin concreción"". Nesti sen, indicó que'l PP va aportar a lo llargo del alderique les midíes que considera apropiaes.

El voceru del grupu parlamentariu 'popular' tachó de ""'esperpéntica'"" la reaición del PSOE y IX al decidir el so partíu aplazar los trabayos de la reforma estatutaria hasta conocer el resultáu d'un posible pautu de gobiernu ente les dos fuerces d'izquierda. Nesti sen, insistió en que'l so partíu va ""alministrar bien los tiempos y esperar a que se garantice qu'un acuerdu de gobiernu nun afeute a lo pactao na reforma estatutaria""."